میجر سبطین حیدر نے جان کا نذرانہ دیکر یہ ثابت کردیا بلوچ عوام بھی دہشت گردوں کیخلاف ہیں،طارق احمد جعفری

کوئٹہ(این این آئی)تحریک نفاذ فقہ جعفریہ بلوچستان کے ترجمان ولسان تحریک طارق احمد جعفری نے ڈیرہ اسماعیل خان میں دہشت گردوں کے خلاف آپریشن میں جام شہادت نوش کرنے والے میجر سبطین حیدر کو خراج عقیدت پیش کرتے ہوئے کہا ہے کہ کوئٹہ سے تعلق رکھنے والے میجر سبطین حیدر نے اپنی جان کا نذرانہ دیکر یہ ثابت کردیا ہے کہ بلوچستان کے عوام بھی دہشت گردوں کے خلاف ہیں،حکومت نیشنل ایکشن پلان کی تمام شقوں پر من و عن عملدرآمد کو یقینی بنائے تاکہ ملک سے دہشت گردی کا قلع قمع ہوسکے۔ یہاں جاری ہونے والے ایک بیان میں طارق احمد جعفری نے کہا کہ پاکستان سے دہشت گردی کے خاتمے کیلئے پاک فوج اوردیگر سیکورٹی اداروں کے جوان اورافسران اپنی جانوں کے نذرانے پیش کررہے ہیں ڈیرہ اسماعیل خان میں دہشت گردوں کے خلاف آپریشن کے دوران کوئٹہ سے تعلق رکھنے والے پاک فوج کے میجر سبطین حیدر نے جام شہادت نوش کیا جنہیں تحریک نفاذ فقہ جعفریہ بلوچستان خراج عقیدت پیش کرتی ہے۔انہوں نے کہا کہ،عساکر پاکستان سپوتوں، پولیس کے جوانوں اور شہداء دین و وطن کاخون رائیگان نہیں جائیگا،پاکستان کی سلامتی کی جانب اٹھنے والی اس کی میلی آنکھ پھوڑ دی جائے گیپوری قوم عساکر پاکستان کی پشت پر ایستادہ ہوکیونکہ اندونی دشمن پر قابو پا کر بیرونی دشمن سے نمٹا جا سکتا ہے۔طارق احمد جعفری نے شہید سبطین حیدر کے اہل خانہ سے اظہار تعزیت کرتے ہوئے دعا کی کہ اللہ تعالیٰ شہید کو اپنے جواررحمت میں جگہ دے اورپسماندگان کو صبر جمیل عطا فرمائے۔