ڈپٹی کمشنر مستونگ نے بچوں کو انسداد پولیو کے قطرے پلا کر 7 روزہ مہم کا افتتاح کردیا

مستونگ (این این آئی) ڈپٹی کمشنر مستونگ بہرام سلیم نے 13 اکتوبر 2025 سے شروع ہونے والی قومی انسداد پولیو مہم میں بچوں کو انسداد پولیو کے قطرے پلا کر باقاعدہ سات روزہ مہم کا افتتاح کردیا اس موقع پر ایڈیشنل ڈپٹی کمشنر مستونگ محمد افضل سرپرہ ڈسٹرکٹ ہیلتھ آفیسر مستونگ ڈاکٹر محمد انور گولہ ڈپٹی ڈی ایچ او ڈاکٹر سلیم اکبر رہیسانی، چیف ایگزیکٹو آفیسر شہید نواب غوث بخش رئیسانی ہسپتال مستونگ ڈاکٹر عامر اقبال رئیسانی این اسٹاپ آفیسر ڈاکٹر شہزاد عمرانی کمیونٹی کمیونیکیشن آفیسر سید افتخار شاہ مشوانی، ڈی ایس ایم پی پی ایچ آئی سید ہمایوں شاہ ڈیزیز سرویلنس آفیسر ڈاکٹر منصور مری فوکل پرسن ڈی سی آفس سید رحمت شاہ پولیو فوکل پرسن حامد الرحمان شاہوانی اور دیگر بھی موجود تھے افتتاحی تقریب کے دوران ڈپٹی کمشنر مستونگ کو ضلع مستونگ میں جاری سات روزہ پولیو مہم کے سلسلے میں ٹیموں کے کام کے حوالے سے تفصیلی استفسار کیا معلومات حاصل کی اور مہم کے حوالے سے مسائل و مشکلات سے آگاہی حاصل کی ا اس موقع پر ڈپٹی کمشنر مستونگ بہرام سلیم نے کہا کہ پولیو کی قومی مہم میں آنے والی نسلوں کو اس موذی مرض سے محفوظ رکھنے کیلئے معاشرے کی ہر فرد کو کردار ادا کرنا ہوگا تاہم اس میں پولیو ورکرز کا کردار اہم ہے جس کیلئے ضلعی انتظامیہ اور متعلقہ ادارے محکمہ صحت کے شانہ بہ شانہ ہر ممکن تعاون جاری رکھیں گے اب چونکہ موسم سرما کا آغاز ہوچکا ہے جس کی وجہ سے یہاں سے نقل مکانی کر کے کافی تعداد میں لوگ گرم علاقوں کی طرف جا رہے ہیں ضلع بھر میں ایگزٹ پوائنٹس پر نظر رکھی جائے تاکہ کوئی بچہ پولیو کے قطرے پینے سے محروم نہ رہے انہوں نے کہا کہ صحت مند معاشرہ کی تشکیل کے لیئے عوام سے گزارش اور اپیل ہے کہ اپنے بچوں کی صحت کا خیال رکھتے ہوئے انہیں پولیو کے قطرے لازمی پلائیں دریں اثناء ڈی سی مستونگ نے عوام سے اپیل کیا کہ عوام پولیو ٹیموں کے ساتھ بھرپور تعاون کریں کسی بھی وجہ سے رہ جانے والے اپنے بچوں کو حفاظتی قطرے ضرور پلائیں تاکہ پورے علاقے سے اس وائرس کا خاتمہ ہو اجلاس میں فیصلہ کیا گیا کہ تمام یوسیز میں کسی بھی وجہ سے رہ جانے والے بچوں کو ہر صورت کور کیا جائے اور ضلع بھر کے تمام بچوں کو قطرے پلائے جائیں تاکہ کوئی بھی بچہ قطروں سے محروم نہ رہے۔