زرعی ترقیاتی بینک کی صحبت پور میں خواتین کی مالی شمولیت کے لیے آگاہی بیٹھک

صحبت پور (نامہ نگار)اسٹیٹ بینک آف پاکستان اور ریجنل بزنس ہیڈ خادم حسین جامانی کے تعاون سے زرعی ترقیاتی بینک لمیٹڈ (ZTBL) کی جانب سے ضلع صحبت پور میں خواتین کے لیے خصوصی زرعی بیٹھک کا انعقاد کیا گیا۔ اس پروگرام کی میزبانی ZTBL برانچ صحبت پور کے مینیجر سعداللہ خان کھوسہ نے کی تقریب کا مقصد خواتین میں مالی شمولیت کو فروغ دینا، انہیں معاشی طور پر بااختیار بنانا، اور گھریلو و زرعی کاروبار کے لیے آسان اقساط پر قرضوں کی فراہمی کے طریقہ کار سے آگاہی فراہم کرنا تھاپروگرام سے خطاب کرتے ہوئے مینیجر سعداللہ خان نے کہا کہ زرعی ترقیاتی بینک خواتین کو مالی وسائل تک رسائی دینے کے لیے پرعزم ہے، تاکہ وہ اپنے گھریلو یا چھوٹے کاروبار کو وسعت دے سکیں۔ انہوں نے بتایا کہ بینک خواتین کو مختلف اسکیموں کے تحت آسان اقساط میں قرضے، زرعی معاونت، اور بی ایل بخشت اسلامی اکاؤنٹ جیسی سہولیات فراہم کر رہا ہےاس موقع پر خواتین شرکاء نے بینک کے اس اقدام کو سراہا اور کہا کہ اس طرح کے پروگرامز دیہی خواتین کے لیے روزگار اور خود کفالت کے نئے مواقع پیدا کرتے ہیں۔ شرکاء نے گھریلو صنعتوں، دستکاری، مویشی پالنے اور کھانے پینے کے کاروبار سے متعلق مختلف تجاویز بھی پیش کیں ذرعی ترقیاتی بینک لمیٹڈ کی یہ کاوش پاکستان ویمن انٹرپرینیورشپ ڈے 2025 کے سلسلے کی سرگرمیوں کا حصہ ہے، جس کا مقصد ملک بھر میں خواتین کی مالی شمولیت اور معاشی ترقی کو یقینی بنانا ہے۔