جعفرآباد،نامعلوم افراد نے تشدد کرکے 2صحافیوں کو زخمی کردیا

ڈیرہ مراد جمالی (این این آئی)جعفرآباد میں نامعلوم افراد نے تشدد کرکے 2صحافیوں کو زخمی کردیا۔ پولیس کے مطابق جعفرآباد کے علاقے ڈیرہ اللہ یار میں نامعلوم مسلح افراد نے مقامی صحافیوں لقمان کھیازئی اور راشد مگسی کو ڈنڈوں اور اسلحہ کے بٹ مارکر شدیدزخمی کردیا اورانہیں سنگین نتائج کی دھمکیاں دیں۔ پولیس نے زخمی صحافیوں کو فوری طور پرہسپتال پہنچادیا اورزخمیوں کی مدعیت میں پولیس تھانہ ڈیرہ اللہ یار میں قبائلی شخصیت حاجی جلال خان عمرانی، اسرار احمد عمرانی، ذوالفقار علی سمیت پانچ افراد کے خلاف مقدمہ درج کرکے تلاش شروع کردی۔