لوکل گورنمنٹ ورکرز فیڈریشن سندھ کادیوالی سے قبل تنخواہوں اورپنشن کی ادائیگی پر حکومت سندھ سے اظہار تشکر،ہندو ملازمین کو دیوالی کی مبارکباد

کراچی(این این آئی)آل پاکستان لوکل گورنمنٹ ورکرز فیڈریشن سندھ کے چیئرمین رسول بخش شاہانی،صدر سید ذوالفقارشاہ،جنرل سیکریٹری محمد اکرم راجپوت،ڈپٹی جنرل سیکریٹریز علی مردان شیخ،قلندر بخش شاہانی،رہنماوں کشن لعل راجہ،شام لعل کرارا،راجو داس،پرمیش چوہان اور دیگر نے دیوالی کے تہوار کیموقع پر تہوار سے قبل تنخواہوں اور پنشن کی ادائیگی کیلیے اوذیڈ ٹی گرانٹ کا اجرا کرکے تنخواہوں پنشن کی ادائیگی کو یقینی بنانے پر حکومت سندھ کا شکریہ ادا کیا ہے۔دیوالی کے موقع پر ان رہنماؤں نے ہندو برادری کو مبارکباد پیش کرتے ہوئے کہا ہے کہ کہا ہے کہ دیوالی دراصل اندھیروں پر روشنی کی فتح کا تہوار ہے۔اس موقع پر ہمیں یہ تہوار یی سبق دیتا ہے کہ ہر اندھیری رات کے بعد صبح کا سویرا ہوتا ہے اور بلاآخر فتح حق کی ہوتی ہے۔انہوں نے تہوار کے موقع پر اپنی خوشیوں میں برادری کے غربا مساکین,معاشرے کے محروم طبقوں کو بھی شریک کیا جائے۔