پنجگور نیشنل پارٹی کے مرکزی رہنما ورکن بلوچستان اسمبلی میر رحمت صالح بلوچ کے بھائی کو سپردخاک کردیاگیا

پنجگور(این این آئی)پنجگور نیشنل پارٹی کے مرکزی رہنما ورکن بلوچستان اسمبلی میر رحمت صالح بلوچ اور ڈسٹرکٹ چیئرمین عبدالمالک صالح کے چھوٹے بھائی ولید صالح کی نماز جنازہ پنجگور میں ادا کردی گئی۔نماز جنازہ میں نیشنل پارٹی کے سربراہ وسابق وزیر اعلی بلوچستان ڈاکٹر عبدالمالک بلوچ، رکن قومی اسمبلی پھلین بلوچ، ڈپٹی کمشنر عبدالکبیر زرکون،ڈسٹرکٹ پولیس آفیسر دوست محمد بگٹی،نیشنل پارٹی کے مرکزی و صوبائی رہنماوں،قبائلی عمائدین سمیت شہریوں کی بڑی تعداد نے شرکت کی بعد ازاں مرحوم کو ہزاروں سوگواروں کی موجودگی میں سپردخاک کردیاگیا۔ یاد رہے کہ نیشنل پارٹی ککے مرکزی رہنما و رکن صوبائی اسمبلی میررحمت صالح بلوچ کے بھائی کوگزشتہ روز نامعلوم افراد نے فائرنگ کرکے ہلاک کردیا تھا۔