ولید صالح بلوچ کا قتل قابل مذمت ،یہ افسوسناک واقعہ امن و امان کے بگڑتے ہوئے حالات کی عکاسی کرتا ہے،جے ڈبلیو پی

کوئٹہ (این این آئی)جمہوری وطن پارٹی کے مرکزی سیکرٹریٹ سے جاری ایک مذمتی بیان میں نیشنل پارٹی کے ایم پی اے رحمت صالح بلوچ کے بھائی ولید صالح بلوچ کے قتل پر گہرے دکھ اور افسوس کا اظہار کیا گیا ہے۔بیان میں کہا گیا ہے کہ یہ افسوسناک واقعہ امن و امان کے بگڑتے ہوئے حالات کی عکاسی کرتا ہے، اور معزز قبائلی و سیاسی خاندان کے فرد کا اس طرح قتل ہونا قابلِ مذمت ہے۔جمہوری وطن پارٹی نے مطالبہ کیا ہے کہ حکومت فوری طور پر قاتلوں کو گرفتار کر کے قانون کے کٹہرے میں لائے اور متاثرہ خاندان کو انصاف فراہم کرے۔مرکزی سیکرٹریٹ نے مرحوم کے اہلِ خانہ سے ہمدردی اور تعزیت کا اظہار کرتے ہوئے دعا کی ہے کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔