جے یو آئی اسلامی سیاست کے فروغ کیلئے بھرپور جدوجہد کر رہی ہے، حافظ حبیب الرحمن

کوئٹہ (این این آئی) جمعیت طلباء اسلام کوئٹہ کے صدر حافظ حبیب الرحمن جنرل سیکرٹری حافظ عابد اللّہ حنفی سیکرٹری اطلاعات حافظ اکرام اللّہ سیکرٹری مالیات حافظ عبد المنتقم کاکڑ محمد قصیر خان محمد اسماعیل مری عبد القاہر رودینی نیک محمد دلی حافظ سعید احمد نیاز محمد ناصر قاری محمد عثمان رحمت اللہ سلیمان خیل محمد سلطان مطیع اللّٰہ فرہاد نے کہا ہے کہ جمعیت طلباء اسلام ملک میں نظام مصطفٰی کے نفاذ اور اسلامی سیاست کے فروغ کے لئے اپنی جدوجہد جاری رکھے ہوئے ہے انہوں نے کہا کہ طلباء ہی قوم کا مستقبل ہیں اور اگر نوجوانوں کو اسلامی نظریات پر استوار کر دیا جائے تو ملک کو ایک حقیقی اسلامی ریاست میں تبدیل کیا جا سکتا ہے جمعیت طلباء اسلام تعلیمی اداروں میں دین اسلامی تعلیمات نظم و ضبط کردار سازی کے ذریعے ایسے رہنما تیار کر رہی ہے جو نہ صرف ملک بلکہ امت مسلمہ کی رہنمائی کا فریضہ سر انجام دے سکیں انہوں نے کہا کہ سیکولر نظریات اور مغربی تہذیب کے سیلاب کے مقابلے کے لیے اسلامی نوجوانوں کا متحد ہونا وقت کی اہم ضرورت ہے حکومت سے مطالبہ کرتے ہیں کہ دینی تعلیم کو نصاب کا لازمی جزو بنایا جائے اور نوجوانوں کو ان کے نظریاتی تشخص سے روشناس کرایا جائے جمعیت طلباء اسلام آئندہ بھی اسلامی اقدار کے تحفظ اور پاکستان کے نظریاتی تشخص کی بقاء کے لیے اپنی پرامن آئینی اور جمہوری جدوجہد جاری رکھے گی۔