وندر میں انتظامیہ کے سیاسی استعمال اور سرکاری زمینوں پر قبضے کے الزامات

حب وندر(این این آئی) وندر تحصیل سونمیانی میں انتظامیہ کو سیاسی بنیادوں پر مخالفین کے خلاف استعمال کرنے کا رجحان پایا جاتا ھے بعض جگہوں پر ھم نے یہ محسوس کیا ھے کہ سرکاری کارندے فریق کے طور پر سیاسی کارکنوں کو یا غیر حکومتی پارٹی کو زیر عتاب لانے کی کوشش کرتے ہیں ان خیالات کا اظہار نیشنل پارٹی حب کے ضلعی جنرل سیکریٹری کامریڈ سلیم بلوچ نے اپنے ایک بیان میں کیا انھوں نے کہا کہ وندر میں سرکاری پارٹی کے گماشتے ھزاروں ایکڑ سرکاری اراضیات پر قابض ھیں یا قبضہ کرکے فروخت کرچکے ھیں اس سلسلے میں پوری انتظامیہ نے مکمل طور پر اپنی آنکھیں اور کان بند کر رکھے ھیں مگر کوئی ایسا شخص جس کا سرکاری جماعت سے تعلق نہیں اگر اس نے سرکاری جماعت کے لینڈ مافیا گروپ سے کئی سال پہلے کوئی زمین خریدی ھے اور اس کو آباد کیا باغ تیار کیئے ھیں اب دوبارہ انھیں لینڈ مافیا کے ایماء پر وہ اراضیات ان سے چھیننے کی سازش رچائی جا رھی ھے نیب اور دیگر تحقیقاتی ادارے قابضین اور خریداروں کی مکمل معلومات لے کر اور اس میں کون کون سے سرکاری اہلکار یا کارندے سہولت کاری میں ملوث رھے ھیں یا اس وقت کون لینڈ مافیا کو تحفظ دے رھا ھے اسی بنیاد کاروائی کی جائے