صوبے سے نفرتوں کے خاتمے اور امن و امان کی بحالی کیلئے ملکرکام کرنے کی ضرورت ہے لالہ یوسف خلجی

کوئٹہ(این این آئی)بلوچستان امن جرگے کے سربراہ لالہ یوسف خلجی نے کہا ہے کہ صوبے سے نفرتوں کے خاتمے اور امن و امان کی بحالی کیلئے ملکرکام کرنے کی ضرورت ہے ہمیں چاہئے کہ اپنی آئندہ نسل کیلئے بینک بیلنس اور جائیداد کی بجائے اچھے دوست چھوڑ کر جائیں۔یہ بات انہوں نے کرم خان خلجی کے اعزاز میں دیئے گئے عشائیے سے خطاب کرتے ہوئے کہی عشائیے میں حاجی عمران ملاخیل، ثناء اللہ،رووزی خان خلجی سمیت دیگر نے شرکت کی۔ لالہ یوسف خلجی نے کہا کہ بلوچستان میں قبائلی دشمنیوں اور امن و امان کی بگڑتی ہوئی صورتحال کے باعث صوبے میں زندگی گزرنا اجیرن ہوچکا ہے جن نوجوانوں کے ہاتھوں میں قلم اور کتاب ہونی چاہئے وہ کلاشنکوف اٹھائے ہوئے ہیں جو کسی بھی طرح بلوچستان کے مفاد میں نہیں ہے۔ انہوں نے کہا کہ بلوچستان سے نفرتوں اور قبائلی دشمنیوں کے خاتمے کیلئے سب کو ملکر کردارادا کرنے کی ضرورت ہے کیونکہ نفرتوں اورقبائلی دشمیوں کے باعث صوبے کو ناقابل تلافی نقصان پہنچاہے۔انہوں نے کہاکہ بلوچستان امن جرگہ صوبے میں امن و امان کے قیام اور بھائی چارے کے فروغ کیلئے کام کررہا ہے ہمیں چاہئے کہ اپنی آئندہ نسلوں کیلئے بینک بیلنس اور جائیداد کی بجائے اچھے دوست چھوڑیں تاکہ وہ ایک اچھے ماحول میں زندگی گزارسکیں کیونکہ ہنسنے کیلئے پیسے کی نہیں بلکہ اچھے دوستوں کی ضرورت ہوتی ہے۔