ملک واقعی مشکل حالات کا سامنا کر رہا ہے،شہباز شریف فراڈ الیکشن کے نتیجے میں ملک پر مسلط ہیں،نعمت اللہ جلال زئی

لورالائی(این این آئی) پشتونخوا نیپ کے صوبائی سیکرٹری سابق چیئرمین بلدیہ نعمت اللہ جلال زئی نے میڈیا سے بات چیت کرتے ہوئے کہا کہ ملک واقعی مشکل حالات کا سامنا کر رہا ہے شہباز شریف ایک فراڈ الیکشن کے نتیجے میں ملک پر مسلط ہیں صوبے میں امن وامان کا فقدان کرپشن و کمیشن عام ہے بے روزگاری سے نوجوان طبقہ میں بے چینی پھیل رہی ہے ملازمت کا حصول ناممکن بنادیا گیا ہے نوکریاں فروخت اور سرکاری اراضی کی غیرقانونی الاٹمنٹ عروج پر ہے ترقی کے صرف نعرے لگائے جاتے ہیں عملی طور پر کچھ نہیں ہورہا۔ انہوں نے کہا کہ ہماری پارٹی امریکہ اور دیگر ممالک کو اگاہ کرتی ہے کہ وہ موجودہ حکومت کے ساتھ کوئی معاہدے نہ کریں قوم اسے کھبی تسلیم نہیں کریگی انکا کہنا تھا کہ ملک میں آئین کی بالادستی اور عوام کے منتخب پارلیمنٹ کو فیصلہ سازی کا حق دیا جائے قوم جانتی ہے کہ8فروری 2024 کے جنرل الیکشن جعلی اور فراڈ تھے 9 فروری کو 45 فارم کے نتائج تبدیل کرکے فارم 47 کے زریعے جعلی نمایندے ہم پر جبراً مسلط کئے گئے ہم طاقت کا سرچشمہ عوام کو سمجھتے ہیں۔