مکران کوسٹل ہائی وے پر دلتوس چڑھائی کے مقام پر ایک ٹرالر تیز رفتاری کے باعث الٹ گیا

لسبیلہ(بیوروچیف حفیظ دانش)مکران کوسٹل ہائی وے پر دلتوس چڑھائی کے مقام پر ایک ٹرالر تیز رفتاری کے باعث الٹ گیا، جس کے نتیجے میں 3 افراد جاں بحق اور 1 شدید زخمی ہوگیاریسکیو ذرائع کے مطابق حادثے کے بعد ریسکیو 1122 کی ٹیم موقع پر پہنچی اور لاشوں و زخمی کو فوری طور پر ڈی ایچ کیو ہسپتال اوتھل منتقل کیا گیا۔ جاں بحق افراد کی شناخت عظیم اللہ ولد موثر، محمد یوسف اور ایک نامعلوم بچہ کے طور پر ہوئی ہے، جبکہ زخمی شخص کا نام سید مدک بتایا گیا ہے۔جاں بحق افراد کی لاشیں ضروری کارروائی کے بعد ورثاء کے حوالے کردی گئیں جبکہ شدید زخمی شخص کو ابتدائی طبی امداد کے بعد کراچی ریفر کیا گیا۔ اطلاعات کے مطابق ٹرالر گوادر سے کراچی جا رہا تھا۔