مولانا عبد الرحمن رفیق جے یوآئی ضلع کوئٹہ کے امیر، حاجی عین اللہ شمس سیکرٹری جنرل ہوں گے،فیصلہ جاری

کوئٹہ (این این آئی)جمعیت علماء اسلام پاکستان کے مرکزی امیر مولانا فضل الرحمن نے ضلع کوئٹہ کی تنظیم کے لیے مولانا عبد الرحمن رفیق کو امیر اور سابق صوبائی وزیر حاجی عین اللہ شمس کو سیکرٹری جنرل نامزد کرنے کا باضابطہ فیصلہ جاری کردیا ہے۔واضح رہے کہ گزشتہ سال ہونے والے انٹرا پارٹی الیکشن میں مولانا عبد الرحمن رفیق امیر جبکہ حاجی بشیر احمد کاکڑ سیکرٹری جنرل منتخب ہوئے تھے۔ تاہم بعض ساتھیوں نیالیکشن کے خلاف بالائی جماعت سے اپیل کی تھی۔ یہ اپیل مرکزی کمیٹی کے روبرو پیش ہوئی اور مرکزی کمیٹی نے فیصلہ صادر کیا تھا کمیٹی کے فیصلے پر ایک فریق نے قائدِ جمعیت م مولانا فضل الرحمن سے نظر ثانی کی اپیل کی۔قائدِ جمعیت نے اپیل کو منظور کرتے ہوئے تمام پہلوؤں کا جائزہ لینے کے بعد حتمی فیصلہ جاری کرتے ہوئے مولانا عبد الرحمن رفیق کو امیر اور حاجی عین اللہ شمس کو سیکرٹری جنرل کا فیصلہ جاری کردیا۔اس فیصلے پربلوچستان بھر کے کارکنانِ جمعیت،اور ضلع کوئٹہ کییونٹوں کے امراء و نظماء اور ضلعی قیادت میں خوشی کی لہر دوڑ گئی۔ مختلف ذمہ داران نے قائد جمعیت کے فیصلے کا خیرمقدم کرتے ہوئے اسے تنظیمی استحکام اور اتحاد کی جانب ایک مثبت قدم قرار دیا۔