مستونگ،دشت میں اسپلنجی روڈ پر سیاہ پشت کے مقام سے نو مزدوروں کو مسلح افراد نے اغوا کرلیا گیا

مستونگ(این این آئی)مستونگ کے علاقے دشت میں اسپلنجی روڈ پر سیاہ پشت کے مقام سے نو مزدوروں کو مسلح افراد نے اغوا کرلیا گیا ہے۔دشت لیویز تھانے کے ایس ایچ او اختر محمد کے مطابق واقعہ تین روز قبل پیش آیا۔ مزدور چوکیوں کی تعمیر کا کام کررہے تھے جب نامعلوم مسلح افراد نے انہیں اغوا کیا۔انہوں نے بتایا کہ مزدوروں میں چار مقامی جبکہ پانچ سندھی مزدور شامل ہیں، ایک مقامی مزدور کو بعد ازاں اغوا کاروں نے چھوڑ دیا اور باقیوں کو نامعلوم مقام کی جانب لے گئے۔ان کا کہنا ہے کہ واقعے کا مقدمہ اب تک درج نہیں کیا گیا کیونکہ متعلقہ ٹھیکیدار اور حکام نے اب تک درخواست نہیں دی۔