بلوچستان کے محکمہ زکوۃ کو ختم کرنے کیلئے سمری تیار

کوئٹہ (این این آئی)بلوچستان کے محکمہ زکوۃ کو ختم کرنے کیلئے سمری تیار کرلی گئی،محکمے کے ملازمین کو سر پلس پول میں بھجواکر مختلف محکموں میں کھپانے اور محکمے کے اثاثے محکمہ ریونیو کو دیئے جانے کے تجویز سامنے آگئی،سمری بلوچستان کابینہ کے آئندہ اجلاس میں پیش کی جائے گی۔محکمہ زکوۃ کے حکام نے بتایا کہ وزیر اعلی بلوچستان میر سرفراز بگٹی کی جانب سے محکمہ زکوہ کو ختم کنے کا فیصلہ کیا گیا ہے اس حوالے سے ایک سمری تیار کی گئی ہے جو منظوری کے لئے بلوچستان کابینہ کے آئندہ اجلاس میں پیش کی جائے گی جس کے مطابق محکمہ زکوۃ کے ملازمین کو سر پلس پول میں بھجواکر ضرورت کے تحت مختلف محکموں میں کھپایا جائے گا اور محکمے کے اثاثے محکمہ ریونیو کو دینے کی تجویز زیر غور ہے جبکہ مستحقین میں زکوۃ کی تقسیم کی خدمات بینظیر انکم سپورٹ پروگرام سے حاصل کرنے کیلئے بات چیت کا سلسلہ جاری ہے۔وزیر اعلی بلوچستان میر سرفراز بگٹی کا کہنا ہے کہ 60 کروڑ روپے کی زکوہ کی تقسیم کے لیے محکمہ زکوٰہ پر سالانہ پونے دو ارب روپے کے انتظامی اخراجات صرف ہوتے ہیں۔