لسبیلہ یونیورسٹی میں لس یوتھ فیسٹیول کے تحت شاندار نائٹ میوزک شو کا انعقاد

لسبیلہ(بیوروچیف حفیظ دانش)لسبیلہ یونیورسٹی میں ضلعی انتظامیہ اور پاکستان کوسٹ گارڈ کے اشتراک سے جاری لس یوتھ فیسٹیول کے تحت گزشتہ شب ایک شاندار نائٹ محفل موسیقی کا انعقاد کیا گیا۔ محفل میں بلوچستان اور لس دھرتی کے معروف فنکاروں نے شرکت کی اور اپنے فن کا بھرپور مظاہرہ کیا۔فنکاروں نے لسبیلہ کی ثقافت، روایات اور محبت سے بھرپور گیت پیش کیے، جنہیں حاضرین نے دل کھول کر سراہا اور خوب داد دی۔ محفل میں مختلف شعبہ ہائے زندگی سے تعلق رکھنے والے افراد نے شرکت کی۔تقریب میں وائس چانسلر لسبیلہ یونیورسٹی عبدالمالک ترین، ڈپٹی کمشنرلسبیلہ محترمہ حمیرا بلوچ، کرنل زین العابدین (کوسٹ گارڈ)، چیئرمین ضلع کونسل سردار عبدالرشید پھورائی، ڈی ای او حلیم مسعود، ایکسئین آبپاشی محمد ظاہر مینگل، سپرنٹنڈنٹ عنایت شیخ، کیشر ڈی سی آفس غلام اکبر شیخ سمیت بڑی تعداد میں شہری موجود تھے۔محفل موسیقی نے فیسٹیول کو چار چاند لگا دیے اور لسبیلہ کی ثقافت کو اجاگر کرنے میں اہم کردار ادا کیا۔