ایڈیشنل ڈپٹی کمشنر چاغی نظام رحیم بلوچ کا گردی جنگل مہاجر ہولڈنگ کیمپ کا دورہ

دالبندین(این این آئی)ایڈیشنل ڈپٹی کمشنر چاغی نظام رحیم بلوچ اور اسسٹنٹ کمشنر دالبندین مجیب الرحمن ساکی زئی نے آج گردی جنگل مہاجر ہولڈنگ کیمپ کا دورہ کیا، جہاں انہوں نے افغان مہاجرین کی رجسٹریشن، واپسی کے عمل اور فراہم کی جانے والی دیگر سہولیات کا تفصیلی جائزہ لیا۔دورے کے دوران دونوں افسران نے کیمپ میں موجود افغان مہاجرین سے ملاقات کی، ان کے مسائل اور ضروریات سے آگاہی حاصل کی اور انتظامی امور کا معائنہ کیا۔ افغان مہاجرین نے اس موقع پر ضلعی انتظامیہ چاغی کا شکریہ ادا کرتے ہوئے کہا کہ انہیں واپسی کے سفر میں کسی قسم کی مشکل کا سامنا نہیں، بلکہ انہیں انسانی ہمدردی کی بنیاد پر بہترین سہولیات کے ساتھ رخصت کیا جارہا ہے، جس پر وہ انتظامیہ کے مشکور ہیں۔اس موقع پر تحصیلدار دالبندین عبدالطیف بھی ہمراہ تھے۔