کوئٹہ، افغان مہاجرین کی وطن واپسی کا سلسلہ جاری

کوئٹہ(این این آئی) پاکستان سے افغان مہاجرین کی وطن واپسی کا سلسلہ جاری ہے۔ذرائع کے مطابق چمن بارڈر سے ایک روز میں 10 ہزار700 افغان مہاجرین کوافغانستان واپس بھیجا گیا۔ذرائع کا کہنا ہے کہ اب تک تقریباً 15 لاکھ 60 ہزار افغان مہاجرین کی وطن واپسی ہو چکی ہے، افغان مہاجرین کی واپسی قانونی طریقہ کار کے تحت کی جا رہی ہے اور ہر شخص کے دستاویزات کی تصدیق کے بعد ہی سرحد عبور کرنے کی اجازت دی جا رہی ہے۔ذرائع کے مطابق افغان مہاجرین کے لیے ایف سی، سول انتظامیہ کی جانب سے رہائش اورکھانے کابھی انتظام ہے۔