لسبیلہ(بیوروچیف حفیظ دانش)درگاہ سید حسین شاہ سے میونسپل کمیٹی اوتھل تک سڑک کی خستہ حالی، عوام کو شدید مشکلات مٹی کی دھول شہریوں کو آنے جانے میں بڑی پریشانی ہوتی ہے مون سون بارشوں میں پانی جمع ہونے سے شہریوں کو آنے جانے میں بڑی دشواری پیش پوتی ہیں اوتھل کے. عوامی حلقوں کا روڈ جلد بنانے کا مطالبہ کیا ہے
اوتھل کے شہریوں کو درگاہ سید حسین شاہ سے میونسپل کمیٹی اوتھل تک جانے والی سڑک کی انتہائی خراب حالت کی وجہ سے شدید پریشانی کا سامنا ہے۔ سڑک ٹوٹ پھوٹ کا شکار ہے جبکہ ہر وقت مٹی کی دھول نے راہگیروں اور گاڑی سواروں کا جینا محال کر رکھا ہے۔ مقامی افراد کے مطابق، مون سون کی بارشوں کے دوران یہاں پانی جمع ہونے سے صورتحال مزید ابتر ہوجاتی ہے، جس سے پیدل چلنے والے اور مریض شدید متاثر ہوتے ہیں۔ عوامی حلقوں نے حکومتِ بلوچستان سے مطالبہ کیا ہے کہ:سڑک کی فوری مرمت و تعمیر کی جائے۔نکاسی آب کا مناسب بندوبست کیا جائے تاکہ بارشوں میں پانی جمع نہ ہو۔مستقل بنیادوں پر صفائی کا انتظام کیا جائے۔شہریوں نے وزیراعلیٰ بلوچستان میر سرفراز بگٹی، وفاقی وزیر تجارت نواب جام کمال خان عالیانی، سیکریٹری پارلیمانی امور میر زرین خان مگسی، چیئرمین میونسپل کمیٹی سید سومار شاہ کاظمی اور چیف آفیسر حاجی محمد خان دودا سے مطالبہ کیا ہے کہ اس سڑک کو ترجیحی بنیادوں پر تعمیر کیا جائے تاکہ شہری سکھ کا سانس لے سکیں۔
