اوتھل پولیس کی کاروائی ملزم گرفتار، چوری شدہ بجلی کی تاریں و سولر پلیٹ برآمد

اوتھل (این این آئی) ایس ایس پی لسبیلہ عاطف امیر کی جرائم پیشہ عناصر کیخلاف کارروائی کی ہدایت پر SHO لاکھڑا وحید علی مگسی کی کامیاب کارروائی، ملزم گرفتار، 68ہزار روپے مالیت کی چوری شدہ بجلی کی تاریں و سولر پلیٹ برآمد, لسبیلہ پولیس کے ترجمان کی پریس ریلیز کے مطابق SSP لسبیلہ عاطف امیر کی جرائم پیشہ عناصر کیخلاف کارروائی کی خصوصی ہدایت پر SHO لاکھڑا وحید علی مگسی نے اپنی ٹیم کے ہمراہ کامیاب کارروائی عمل میں لاتے ہوئے تھانہ لاکھڑا کے نقب زنی کے مقدمہ نمبر 17/2025 بجرم 380-457 ت پ میں ملوث مطلوب ملزم عبدالعزیز ولد احمد قوم داروغہ سکنہ لاکھڑا کو گرفتار کرکے ملزم کے قبضہ سے چوری شدہ بجلی کی تاریں مالیت 60,000 روپے اور سولر پلیٹ مالیت 8,000 روپے برآمد کیں۔ واضح رہے کہ گرفتار ملزم نے رات کے اوقات میں ایک گھر میں چوری چھپے گھس کر چوری کی واردات کی تھی۔لاکھڑا پولیس نے گرفتار ملزم سے مزید تفتیش شروع کردی ہے۔