لاکھڑا روڈ کی خستہ حالی، شہریوں کے مسائل میں شدت

لسبیلہ(رپورٹ بیوروچیف حفیظ دانش) لاکھڑا روڈ مکمل طور پر خستہ حالی کا شکار ہوچکا ہے اور اب سفر کے قابل نہیں رہا۔ روڈ پر مٹی کی دھول اور گہرے گڑھوں کے باعث شہریوں کو شدید مشکلات کا سامنا ہے۔ خاص طور پر ایمرجنسی کی صورت میں مریضوں کو اسپتال منتقل کرنا انتہائی دشوار ہو جاتا ہے، جہاں منٹوں کا سفر گھنٹوں میں طے ہوتا ہے۔ علاقہ مکینوں کا کہنا ہے کہ شدید بیمار افراد اس ٹوٹی پھوٹی سڑک پر سفر کے دوران مزید تکلیف میں مبتلا ہو جاتے ہیں۔ لاکھڑا کے عوامی حلقوں نے شکایت کی ہے کہ ان کا کوئی پرسان حال نہیں، اور برسوں سے اس روڈ کی حالت پر کسی نے توجہ نہیں دی۔عوامی حلقوں نے وفاقی وزیر تجارت نواب جام کمال خان عالیانی اور سیکریٹری پارلیمانی امور میر زرین خان مگسی سے مطالبہ کیا ہے کہ لاکھڑا روڈ کی فوری تعمیر کی جائے تاکہ شہریوں کو مزید اذیت اور تکلیف سے نجات مل سکے۔