کچھی و نصیرآباد انتظامیہ ڈاکوؤں کہ ساتھ ملے ہوئے ہیں،صوبائی صدر آل ٹرانسپورٹ ایسوسی ایشن

بولان(این این آئی)صوبائی صدر آل ٹرانسپورٹ ایسوسی ایشن بلوچستان حاجی میر حکمت لہڑی کہ زیر صدارت ٹرانسپورٹرز کا ہنگامی اجلاس منعقد ہوا۔اجلاس میں بلوچستان بھر کے ٹرانسپورٹرز نے شرکت کی اور اہم فیصلے کئے گئے صوبائی صدر نے شرکاء سے گفتگو میں کہا کہ کچھی و نصیرآباد انتظامیہ ڈاکوؤں کہ ساتھ ملے ہوئے ہیں گزشتہ شب ہمارے ویگنوں کو کمبڑی پل پر ڈاکوؤں نے ناکہ لگا کر لوٹا جبکہ نصیرآباد کے علاقے نوتال میں مسافر کوچز پر ڈاکوؤں نے سیدھے فائرنگ کی جس سے متعدد ڈرائیور اور مسافر شدید زخمی ہوئے انکا کہنا تھا کہ ایک طرف ایف سی نے روکا ہے تو دوسرے طرف ہمیں ڈاکو مار رہے ہیں کچھی بالاناڑی اور نوتال اب نوگو ایریاز بن گئے ہیں ٹرانسپورٹرز کو ڈاکوؤں کے رحم و کرم پر چھوڑا گیا ہے انہوں نے کہا کہ کچھی نوتال پولیس صرف بھتہ لینے میں مصروف ہے ڈاکوؤں کے نام اور ٹھکانے معلوم ہونے کے باوجود پولیس کا کاروائی نہ کرنا سوالیہ نشان ہے نوتال کے ایریاز میں ڈاکو سرعام آکر قومی شاہراہ پر ناکہ لگا کر لوٹ مار کرکے دوبارہ اپنے علاقے بھاگ اور بالاناڑی چلے جاتے ہیں انہوں نے کہا کہ بلوچستان بھر کے ٹرانسپورٹرز کے ضلعی صدور کو طلب کرکے دو روز میں آئندہ کا لائحہ عمل طے کیا جائیگا جبکہ ممکنہ طور پر قومی شاہراہ کو کچھی کے مقام پر غیر معینہ مدت کے لیے بلاک کرنے پر بھی غور کیا جائیگا۔