سپٹ بیچ اور ہنگول نیشنل پارک کا وفدی دورہ، سیاحت و ماحولیات کے فروغ پر زور

لسبیلہ(بیوروچیف حفیظ دانش) لسبیلہ کے ایم پی اے پارلیمانی سیکریٹری ثقافت و سیاحت نوابزادہ میر زرین خان مگسی کے پرسنل سیکرٹری اظہار علی سومرو نے وفاقی وزیر تجارت نواب جام کمال خان کے قریبی ساتھی عامر خان ڈگارزئی اور وائلڈ لائف ڈیپارٹمنٹ کے اہلکار شکرداد کے ہمراہ سپٹ بیچ اور ہنگول نیشنل پارک کا تفصیلی دورہ کیا۔دورے کے دوران وفد نے ہنگول نیشنل پارک میں موجود جنگلی حیات، سیاحتی مقامات اور ماحولیاتی تحفظ کے انتظامات کا جائزہ لیا۔ عامر خان نے اس موقع پر کہا کہ کنڈملیر اور ہنگول نیشنل پارک بلوچستان کا قدرتی حسن ہیں جنہیں بین الاقوامی سطح پر متعارف کرانے کی ضرورت ہے۔PSاظہار علی سومرو نے کہا کہ نوابزادہ میر زرین خان مگسی کی ہدایت پر علاقے کی ترقی، ماحولیات کے تحفظ اور سیاحت کے فروغ کے لیے عملی اقدامات کیے جا رہے ہیں۔