این ایچ اے کے ترقیاتی منصوبوں کے دوران سیکیورٹی و دیگر انتظامات کو بہتر بنایا جائیگا،ڈپٹی کمشنر پنجگور

پنجگور (این این آئی) ڈپٹی کمشنر آفس پنجگور میں نیشنل ہائی وے اتھارٹی (NHA) کے حوالے سے ایک اہم اجلاس منعقد ہوااجلاس کی صدارت ڈپٹی کمشنر پنجگور عبدالکبیر زرکون نے کی۔ اجلاس میں ڈپٹی ڈائریکٹر این ایچ اے آگا شہزاد صاحب، ڈی ایس پی پنجگور امیر جان صاحب اور بی اینڈ آر روڈ کی جانب سے اْن کے نمائندے نے شرکت کی اجلاس کا بنیادی مقصد این ایچ اے کی جانب سے جاری سڑکوں کی تعمیر و ترقی کے کاموں پر تفصیلی تبادلہ خیال کرنا تھا۔ اجلاس میں مختلف روٹس پر جاری کام کی صورتحال اور ان منصوبوں کے لیے سیکیورٹی انتظامات پر گفتگو ہوئی۔ڈپٹی کمشنر پنجگور نے اجلاس سے خطاب کرتے ہوئے کہا کہ این ایچ اے کے جاری ترقیاتی منصوبوں کے دوران سیکیورٹی اور دیگر انتظامات کو ہر ممکن بہتر بنایا جائے گا تاکہ کام کی رفتار میں کوئی رکاوٹ نہ آئے۔ انہوں نے مزید کہا کہ تمام تعمیراتی کام بلاتعطل جاری رہنے چاہییں اور انتظامیہ اس سلسلے میں مکمل تعاون فراہم کرے گی اجلاس کے اختتام پر ڈپٹی ڈائریکٹر این ایچ اے نے ڈپٹی کمشنر پنجگور عبدالکبیر زرکون کا شکریہ ادا کیا اور کہا کہ ڈپٹی کمشنر نے ہر موقع پر این ایچ اے کے منصوبوں کے لیے سیکیورٹی اور کوآرڈینیشن کے بہترین انتظامات کیے اور ہر سطح پر مکمل تعاون فراہم کیا۔