خضدارسی پیک روڈ پر پک اپ،ڈمپر میں تصادم، دو افراد جاں بحق،12 زخمی

خضدار (این این آئی) خضدار سی پیک روڈ خیسون چڑھائی کے قریب ایک خوفناک ٹریفک حادثہ پیش آیا جہاں ایک تیز رفتار پک اپ گاڑی اور ایک بھاری ڈمپر کے درمیان شدید تصادم ہو گیا۔ اس حادثے میں دو افراد جاں بحق ہو گئے، جن کی شناخت منیر احمد ولد گل محمد ساکن ہزار گنجی نال اور بی بی مریم بنت عبداللہ ساکن فیروز آباجبکہ 12 سے زائد افراد زخمی ہوگئے۔ زخمیوں میں خوتین اور بچے شامل تھے جن میں سے تین کی حالت تشویشناک تھی زخمیوں میں نور خاتون شعیب احمد ابوہریرہ و دیگر شامل تھے۔حادثہ آج صبح رونماء ہوا۔ جب پک اپ گاڑی، نال سے خضدار جارہی تھی جا رہی تھی۔ مقامی ریسکیو 1122 اور لیویز فورس کی ٹیموں نے فوری طور پر موقع پر پہنچ کر امدادی کارروائی شروع کی۔ زخمیوں کو ابتدائی طبی امداد دی جارہی ہے۔ اس موقع پر انجمن تاجران خضدار کے صدر حافظ حمیداللہ مینگل نے ہسپتال کا دورہ کیا زخمیوں کی عیادت اور ان کے لئے نیک خواہشات کااظہار کیا۔