نصیرآباد میں موٹر سائیکل و گاڑیوں کی آن لائن رجسٹریشن اور انسدادِ منشیات مہم کا آغاز

چھتر (این این آئی) نصیرآباد میں موٹر سائیکل و گاڑیوں کی آن لائن رجسٹریشن اور انسدادِ منشیات مہم کا آغاز کردیاگیا۔تفصیلات کے مطابق پارلیمانی سیکرٹری حاجی محمد خان لہڑی، سیکرٹری ظفر بخاری اور ڈی جی زمان صاحب کی خصوصی ہدایت پر عملدرآمد نذیر احمد چھلگری کی قیادت میں شفاف نظام کی تشکیل تفصیلات کے مطابق پارلیمانی سیکرٹری برائے ایکسائز اینڈ ٹیکسیشن حاجی محمد خان لہڑی، سیکرٹری ظفر بخاری، اور ڈی جی ایکسائز اینڈ ٹیکسیشن ساؤتھ زمان صاحب کی خصوصی نگرانی اور ہدایت پر شروع کیا گیا ہے جبکہ نصیرآباد میں اس نظام پر کامیاب عملدرآمد کی قیادت سینئر ایکسائز اینڈ ٹیکسیشن آفیسر نذیر احمد چھلگری کر رہے ہیں نذیر احمد چھلگری نے اپنے بیان میں کہا کہ محکمہ ایکسائز عوامی سہولت کے لیے جدید ڈیجیٹل نظام متعارف کروا رہا ہے تاکہ شہریوں کو باآسانی تمام سہولیات دستیاب ہوں انہوں نے کہا کہ گاڑیوں اور موٹر سائیکلوں کی آن لائن رجسٹریشن کا مقصد عوام کے لیے شفاف اور سہل طریقہ کار فراہم کرنا ہے تاکہ لوگوں کو دفاتر کے چکروں سے نجات ملے اور انہیں تمام سہولتیں گھر بیٹھے میسر آئیں انہوں نے مزید کہا کہ محکمہ ایکسائز نصیرآباد میں انسدادِ منشیات کی مہم بھی بھرپور انداز میں جاری رکھے ہوئے ہے ہماری ٹیم منشیات فروشوں کے خلاف کارروائیوں کے ساتھ ساتھ عوامی آگاہی کے پروگرام بھی ترتیب دے رہی ہے تاکہ نوجوان نسل کو اس لعنت سے محفوظ رکھا جاسکے نذیر احمد چھلگری کے مطابق محکمہ ایکسائز اور ٹیکسیشن نصیرآباد میں تمام رجسٹریشن ڈیٹا کو جدید کمپیوٹرائزڈ نظام کے ذریعے محفوظ کر رہا ہے، جس سے جعلسازی دوہری رجسٹریشن اور ٹیکس چوری جیسے مسائل کا خاتمہ ممکن ہو گا انہوں نے کہا کہ بلوچستان حکومت کی خصوصی توجہ عوامی ریلیف اور ادارہ جاتی شفافیت پر مرکوز ہے، اور محکمہ ایکسائز اس وڑن کو عملی شکل دینے کے لیے سرگرم ہے عوامی و سماجی حلقوں نے نذیر احمد چھلگری اور ان کی ٹیم کی کوششوں کو سراہتے ہوئے کہا کہ نصیرآباد میں محکمہ ایکسائز کا طرزِ عمل دوسرے اضلاع کے لیے ایک مثالی نظام بنتا جا رہا ہے عوام کا کہنا ہے کہ آن لائن رجسٹریشن اور منشیات کی روک تھام کے لیے ایک ہی پلیٹ فارم پر خدمات کی فراہمی، حقیقی معنوں میں بلوچستان کو جدید طرزِ گورننس کی جانب لے جا رہی ہے۔