پاکستان کوسٹ گارڈ سمندری سرحدوں کی محافظ،عوامی فلاح و بہبود کے شعبے میں نمایاں کردار ادا کر رہی ہے،عوامی حلقے

اوتھل (این این آئی) عوامی حلقوں نے پاکستان کوسٹ گارڈز کے فلاحی و سماجی کا موں کو سراہتے ہوئے کہا ہے کہ پاکستان کوسٹ گارڈ نہ صرف ملک کی سمندری سرحدوں کی محافظ ہے بلکہ عوامی فلاح و بہبود کے شعبے میں بھی نمایاں کردار ادا کر رہی ہے۔ حالیہ دنوں میں ناکہ کھارڑی کے مقام پر کوسٹ گارڈ کی جانب سے ایک فلاحی ہسپتال کا قیام عمل میں لایا گیا ہے جہاں مسافروں اور مقامی آبادی کو بلا معاوضہ طبی سہولیات فراہم کی جا رہی ہیں۔ اس اقدام سے علاقے کے شہریوں کو بروقت اور معیاری علاج میسر آ رہا ہے، جو صحت کے شعبے میں ایک خوش آئند پیش رفت ہے۔علاوہ ازیں تعلیمی میدان میں بھی کوسٹ گارڈ کا کردار قابلِ ذکر ہے۔ ادارے نے مختلف مقامات پر اسکول بھی قائم کئے ہیں اور خستہ حال سکولز کی مرمت بھی کی ہیتاکہ پسماندہ علاقوں اور دور دراز علاقوں کے بچوں کو معیاری تعلیم فراہم کی جا سکے۔ حال ہی میں لسبیلہ یونیورسٹی میں منعقد ہونے والے ایک بہترین *”لس یوتھ فیسٹیول” میں بھی پاکستان کوسٹ گارڈ نے بھرپور تعاون کیا اور شرکت کی۔ جس سے فیسٹیول کی رونقوں اور رنگینیوں میں اضافہ ہوا اور طلبہ کا حوصلہ بلند ہوا۔یہ تمام اقدامات اس بات کا ثبوت ہیں کہ پاکستان کوسٹ گارڈ صرف سیکیورٹی ادارہ ہی نہیں بلکہ تعلیم، صحت اور سماجی ترقی کے میدانوں میں بھی سرگرم عمل ہے۔ عوامی و سماجی حلقوں نے ان اقدامات کو سراہتے ہوئے ادارے کو خراجِ تحسین پیش کیا اور اْمید ظاہر کی کہ کوسٹ گارڈ مستقبل میں بھی عوامی فلاح کے لیے اسی جذبے کے ساتھ اپنی خدمات جاری و ساری رکھے گا۔