لاہور(این این آئی) پنجاب ریو نیو اتھارٹی نے گزشتہ ماہ اکتوبر میں 31فیصد سے زائد ریکارڈ ٹیکس محصولات اکٹھے کئے جبکہ رواں مالی سال کے ابتدائی 4 ماہ میں وصولیوں کے اہداف گزشتہ سال کی نسبت 28 فیصد زیادہ رہے۔ ترجمان پی آر اے کے مطابق موثر حکمت عملی اور جدید ٹیکنالوجی کے استعمال سے ٹیکس کولیکشن میں شفافیت یقینی بنائی جارہی ہے، انڈسٹری کا صارفین سے وصول کیے گئے ٹیکس کو ایمانداری سے جمع کروانا بیحد ضروری ہے، ای آئی ایم ایس کے استعمال اور انڈسٹری کی مدد سے ٹیکس محصولات میں مزید اضافہ یقینی بنایا جائے گا۔ترجمان کے مطابق غیر رجسٹرڈ کاروبار کی رجسٹریشن اور موثر حکمت عملی سے آئندہ ماہ وصولیوں میں مزید بہتری متوقع ہے۔
اکتوبر میں 31فیصد سے زائد ریکارڈ ٹیکس محصولات اکٹھے کئے گئے‘ پی آر اے
