جے ٹی آئی نوجوانوں کی دینی و فکری تربیت کا مضبوط قافلہ ہے،مولانا عبدالرحمن رفیق کا استقبالیہ تقریب سے خطاب

کوئٹہ(این این آئی)جمعیت طلباء اسلام ضلع کوئٹہ کے زیراہتمام ہونے والی استقبالیہ تقریب سے خطاب کرتے ہوئے امیر جمعیت علماء اسلام ضلع کوئٹہ مولانا عبد الرحمن رفیق جنرل سیکرٹری حاجی عین اللّٰہ شمس نو منتخب مرکزی جنرل سیکرٹری عبد المنان کاکڑ ڈپٹی جنرل سیکرٹری حاجی بشیر احمد کاکڑ صوبائی صدر حکمت اللّٰہ حافظ حبیب الرحمن حافظ عابد اللّٰہ اور دیگر رہنماؤں نے کہا کہ جے ٹی آئی نوجوانوں کی فکری دینی اور تنظیمی تربیت کا مضبوط قافلہ ہے جو ہر دور میں قوم کی رہنمائی کے لیے سرگرم رہا ہے رہنماؤں نے کہا کہ آج کے چیلنجز بھرے ماحول میں نوجوانوں کی رہنمائی انتہائی ضروری ہے اور جے ٹی آئی انہیں فکری استقامت تنظیمی نظم و ضبط اور دینی شعور کے ساتھ تیار کر رہی ہے مقررین نے اس بات پر زور دیا کہ نوجوان اپنے کردار اخلاق اور علم کو مضبوط بنائیں کیونکہ مستقبل کی قیادت انہی کے ہاتھوں میں ہے انہوں نے کہا کہ جے ٹی آئی ضلع کوئٹہ نے ہمیشہ مثبت منظم اور ذمہ دارانہ کردار ادا کیا ہے اور آج بھی نوجوانوں کے حقوق کے تحفظ اور ان کی فکری تشکیل کے لیے سرگرم ہے۔تقریب کے اختتام پر ضلعی قیادت نے اس عزم کا اظہار کیا کہ تنظیم نوجوانوں کے دینی و تعلیمی حقوق کے لیے اپنی جدوجہد مزید تیز کرے گی اور ہر سطح پر اْن کی بھرپور نمائندگی جاری رکھے گی۔