محسن نقوی کا انسداد منشیات کے کامیاب آپریشن پر پاک بحریہ کو خراج تحسین

اسلام آباد(این این آئی)وفاقی وزیر داخلہ و نارکوٹکس کنٹرول محسن نقوی نے انسداد منشیات کے کامیاب آپریشن پر پاک بحریہ کو خراج تحسین پیش کیا ہے۔محسن نقوی نے 130ملین ڈالر مالیت کی منشیات ضبط کرنے پر پاک بحریہ کی پیشہ وارانہ صلاحیتوں کو سراہا۔ انہوں نے کہا کہ انسداد منشیات کے کامیاب آپریشن پر نیول چیف اور پی این ایس تبوک کے عملے کو مبارکباد دیتا ہوں۔پاکستان نیوی نے پیشہ وارانہ صلاحیتوں کا مظاہرہ کرکے منشیات کی بڑی کھیپ کو ضبط کیا۔پی این ایس تبوک کا بحیرہ عرب میں انسدادِ منشیات آپریشن پاک بحریہ کے پروفیشنل ازم اور مستعدی کا ثبوت ہے۔ پاک بحریہ کا انسداد منشیات آپریشن قابل فخر کارنامہ ہے اور قوم کو بحریہ کے جانبازوں پر ناز ہے۔ پاک بحریہ غیر قانونی سرگرمیوں کی روک تھام میں موثر کردار ادا کر رہی ہے۔