وفاقی حکومت بلوچستان کے کاروباری ماحول کو مزید آسان اور پرکشش بنانے کے لیے ہر ممکن اقدامات اٹھائے گی،وفاقی وزیر جام کمال خان

کوئٹہ+اسلام آباد(این این آئی) پاکستان مسلم لیگ (ن) کے رکن صوبائی اسمبلی شیخ زرک خان مندوخیل نے بدھ کو وفاقی سطح پر رابطہ کاری کے تسلسل کو مزید مضبوط بناتے ہوئے پارٹی کے رکنِ قومی اسمبلی اور وفاقی وزیرِ تجارت میر جام کمال سے ملاقات کی یہ ملاقات بلوچستان کے تاجروں کو درپیش چیلنجز کے حل اور صوبے کے کاروباری ماحول کو بہتر بنانے کے لیے کی گئی، جس میں دونوں رہنماؤں نے جامع اور کھلے دل سے تبادلہ? خیال کیا۔ملاقات کے دوران کوئٹہ سمیت پورے بلوچستان کے تاجروں کی مشکلات پر تفصیلی گفتگو کی گئی۔ تاجر برادری کو درپیش مسائل جیسے ٹیکس کے معاملات، لاجسٹکس کی سہولیات،سیکورٹی چیلنجز، درآمد و برآمد کے مسائل اور مقامی صنعتوں کو فروغ دینے کے حوالے سے اہم تجاویز پیش کی گئیں وفاقی وزیرِ تجارت میر جام کمال نے صوبائی رکنِ اسمبلی شیخ زرک خان مندوخیل کی تجاویز پر مکمل توجہ دی اور یقین دلایا کہ وفاقی حکومت بلوچستان کے کاروباری ماحول کو مزید آسان اور پرکشش بنانے کے لیے ہر ممکن اقدامات اٹھائے گی۔دونوں رہنماؤں نے باہمی مشاورت کے بعد اس بات پر مکمل اتفاق کیا کہ کاروباری برادری کے لیے آسانیاں پیدا کرنا موجودہ دور کی سب سے اہم ضرورت ہے۔ اس سے نہ صرف صوبے کی معیشت کے پہیے کو تیز رفتار دیا جا سکے گا بلکہ سرمایہ کاری بھی بڑھے گی اور نوجوانوں کو روزگار کے نئے مواقع میسر آئیں گے۔ میر جام کمال نے کہا،بلوچستان پاکستان کا اہم ترین صوبہ ہے۔ یہاں کے تاجروں کی ترقی دراصل پورے ملک کی معاشی ترقی ہے۔ ہم وفاقی سطح پر تمام سہولیات کو یقینی بنائیں گیشیخ زرک خان مندوخیل نے ملاقات کے بعد میڈیا سے گفتگو کرتے ہوئے کہا کہ یہ ملاقات ایک مثبت پیش رفت کی عکاس ہیانہوں نے امید ظاہر کی کہ اس نشست کے نتیجے میں جلد ہی بلوچستان کے تاجروں کے لیے نمایاں سہولیات کا اعلان کیا جائے گا۔ ”کاروباری اعتماد کو نئی جلا بخشنا ہماری ترجیح ہے۔ ان شاء اللہ، یہ اقدامات نہ صرف صوبے کی معاشی ترقی میں سنگِ میل ثابت ہوں گے بلکہ بلوچستان کو ایک سرمایہ کاری کے پرکشش مرکز کے طور پر بھی اجاگر کریں گے انہوں نے کہا۔یہ ملاقات مسلم لیگ(ن) کی صوبائی اور وفاقی قیادت کے درمیان ہم آہنگی کی ایک شاندار مثال بھی ہے۔ گزشتہ چند ماہ سے شیخ زرک خان مندوخیل بلوچستان کے تاجروں کے مسائل کو قومی سطح پر اٹھا رہے ہیں اور اب وفاقی وزیرِ تجارت کے ساتھ یہ براہِ راست رابطہ صوبے کے لیے ایک بڑی کامیابی سمجھا جا رہا ہے۔تاجر برادری نے اس پیش رفت پر خوشی کا اظہار کیا ہے۔ کوئٹہ چیمبر آف کامرس اینڈ انڈسٹری کے نمائندوں کا کہنا ہے کہ اگر وفاقی حکومت نے ان وعدوں کو عملی جامہ پہنایا تو صوبے میں نئی سرمایہ کاری کا دور شروع ہو جائے گا۔NCCIA اور مقامی انتظامیہ طرح اب کاروباری حلقے بھی اس ملاقات کے مثبت نتائج کا انتظار کر رہے ہیں۔ حکام کا کہنا ہے کہ جلد ہی ایک جامع پیکج کا اعلان کیا جائے گا جس میں ٹیکس چھوٹ، جدید لاجسٹکس سہولیات اور سیکورٹی کے نئے اقدامات شامل ہوں گے۔