سٹی پولیس کی کاروائی چوری شدہ سامان برآمد ملزمان گرفتار

​اوستہ محمد ( عابدعلی) سٹی پولیس کی کاروائی چوری شدہ سامان برآمد ملزمان گرفتار، تفصیلات کے مطابق ایس ایس پی اوستا محمد، حافظ معاذ الرحمٰن کے احکامات پر ڈی ایس پی اوستا محمد، محمد داؤد کھوسہ کہ زیرِ نگرانی میں ایس ایچ او سٹی محمد ندیم بہرانی نے پولیس پارٹی کے ہمراہ خفیہ اطلاعات پر کارروائی کرتے ہوئے کچھ روز قبل گورنمنٹ گرلز ہائی اسکول عبد العزیز مینگل سے چوری شدہ بیٹری، پنکھا اور سیلنڈر کو ملزمان سے برآمد کر کے، ملزمان کو گرفتار کر لیا ہے، اس حوالے سے معشوق علی جمالی و دیگر ایس ایچ او سٹی محمد ندیم بہرانی اور کانسٹیبل بختیار احمد کو ہار پہنا کر شکریہ ادا کیا،
​اوستہ محمد پولیس نے تعلیمی اداروں میں چوری کی وارداتوں کے خلاف مؤثر کارروائی کرتے ہوئے گورنمنٹ گرلز ہائی سکول عزیز مینگل سے سامان چوری کرنے والے ملزمان کو رنگے ہاتھوں گرفتار کر لیا۔ ایس ایچ او ندیم بحرانی کی سربراہی میں پولیس ٹیم نے کامیاب کارروائی کے دوران ملزمان کے قبضے سے چوری شدہ سامان بھی برآمد کر لیا ہے۔
​تفصیلات کے مطابق، گزشتہ دنوں گورنمنٹ گرلز ہائی سکول عزیز مینگل میں چوری کی واردات پیش آئی تھی، جس کا نوٹس لیتے ہوئے ایس ایچ او ندیم بحرانی نے تفتیش کا آغاز کیا۔ جدید خطوط پر کی گئی کارروائی کے نتیجے میں پولیس ملزمان تک پہنچنے میں کامیاب رہی اور انہیں حراست میں لے کر سکول سے چوری کیا گیا قیمتی سامان برآمد کر لیا۔
​اس موقع پر میڈیا سے گفتگو کرتے ہوئے ایس ایچ او ندیم بحرانی کا کہنا تھا کہ:
​”شہر میں امن و امان کی صورتحال کو بہتر بنانا اور جرائم پیشہ عناصر کا قلع قمع کرنا ہماری اولین ترجیح ہے۔ تعلیمی اداروں اور عوامی املاک کو نقصان پہنچانے والے کسی رعایت کے مستحق نہیں۔ ہم عوام کے جان و مال کے تحفظ کو یقینی بنانے کے لیے تمام تر دستیاب وسائل بروئے کار لا رہے ہیں۔”
​انہوں نے مزید کہا کہ پولیس کی جانب سے گشت کے نظام کو مزید سخت کر دیا گیا ہے تاکہ مستقبل میں اس طرح کی وارداتوں کا سدباب کیا جا سکے۔ شہریوں نے پولیس کی اس بروقت کارروائی کو سراہتے ہوئے امید ظاہر کی ہے کہ اس سے علاقے میں جرائم کی شرح میں کمی آئے گی۔