جموں،بھارتی فورسز نے امرناتھ یاترا کی آڑ میں اضافی چوکیاں قائم کر دیں

جموں (این این آئی)بھارت کے غیر قانونی زیر قبضہ جموں وکشمیر میں قابض بھارتی فورسز نے جموں، سانبا اور کٹھوعہ اضلاع میں اضافی چوکیاں قائم کردی ہیں۔کشمیرمیڈیاسروس کے مطابق اضافی چوکیاں ہندو امرناتھ یاترا کی سیکورٹی کے نام پر قائم کی گئی ہیں۔38روزہ یاترا 31جولائی سے شروع ہو گی۔یاد رہے کہ مودی حکومت نے کشمیری مسلمانوں کے مذہبی حقوق بھی سلب کر رکھے ہیں، انہیں جمعہ اور عید کی نماز سے روکا جا تاہے جبکہ امرناتھ یاترا کی حفاظت کیلئے تمام اقدامات برائے کار لائے جاتے ہیں اور یاتریوں کو ہرقسم کی سہولیات بہم پہنچائی جاتی ہیں۔