ایرانی پاسداران انقلاب نے ایران کے خلاف حملہ آوروں کی مدد کرنے والے ممالک کو خبردار کرتے ہوئےکہا ہےکہ اگر انہوں نے اپنا رویہ تبدیل نہ کیا تو انہیں سخت جواب کا سامنا کرنا پڑے گا۔
ایرانی خبر ایجنسی کے مطابق ایک بیان میں پاسداران انقلاب نے خبردار کیا کہ جو ممالک حملہ آور کی مدد میں شریک ہیں، اگر انہوں نے اپنا طرز عمل درست نہ کیا تو انہیں سخت جواب دیا جائےگا۔
بیان میں کہا گیا کہ آبنائے ہرمز ہمارا علاقہ ہے اور ہماری بہادر بحریہ نے اس پر مضبوط کنٹرول قائم کر رکھا ہے، ہزاروں کلومیٹر دور سے آنے والے کسی بھی غیر ملکی کو یہاں مداخلت کی اجازت نہیں دی جائے گی۔
