پاکستان کے معروف گلوکار عاطف اسلم نے اپنی اہلیہ سارہ بھروانہ کی سالگرہ دبئی میں شاندار انداز سے منائی جس کی تصاویر سوشل میڈیا پر سامنے آگئی ہیں۔
گلوکار نے اہلیہ کی سالگرہ کے موقع پر دبئی کے ایک پُرتعیش ریسٹورنٹ میں خصوصی ڈنر کا اہتمام کیا، جس میں قریبی دوستوں نے شرکت کی۔
تقریب میں معروف پاکستانی نژاد برطانوی باکسر عامر خان اور ان کی اہلیہ فریال مخدوم بھی شریک ہوئے۔
عاطف اسلم نے اہلیہ کیلئے خوبصورت کیک اور پھولوں کے گلدستے کا انتظام کر کے ان کی سالگرہ کو مزید یادگار بنادیا۔
اس موقع پر سارہ بھروانہ سیاہ رنگ کے چمک دار لباس میں نظر آئیں اور انہوں نے دوستوں کی موجودگی میں سالگرہ کا کیک کاٹا۔
