گوٹھ میر بہرام خان کنرانی قیدی شاخ تا بائی پاس ڈیرہ اللہ یار تک 2 کلو میٹر روڈ لاگت 3.10 ملین کی لاگت سے پایہ تکمیل کو پہنچ گیا

ڈیرہ اللہ یار (این این آئی) پاکستان مسلم لیگ ن کے مرکزی رہنماء و رکن قومی اسمبلی میر خان محمد خان جمالی کے فنڈ اور میر اورنگزیب خان جمالی کی تجویز کنندہ اسکیم گوٹھ میر بہرام خان کنرانی قیدی شاخ تا بائی پاس ڈیرہ اللہ یار تک 2 کلو میٹر روڈ لاگت 3.10 ملین زیر نگرانی چیف ایگزیکیٹو انجنئیر اربن پلاننگ ڈپارٹمنٹ نصیرآباد جہانزیب بنگلزئی آج پایہ تکمیل کو پہنچ گیا، تعمیراتی کام گورنمنٹ کنٹریکٹر ایسوسی ایشن جعفرآباد کے صدر میر کامران خان کنرانی نے سرانجام دیا، سائٹ پر محکمہ اربن پلاننگ کے سب انجنیئر گہرام خان کٹوہر معروف گورنمنٹ کنٹریکٹرز جعفرآباد کے سینئر رہنماوں راج کمار آہوجہ، انجنیئر عبدالعزیز کھوسہ، میر عمران خان کنرانی نے کام کا جائزہ لے کر تسلی بخش قرار دیا، اس موقع پر میر کامران خان کنرانی نے میڈیا نمائندگان سے بات چیت کرتے ہوئے کہا کہ اہلیان گوٹھ میر بہرام خان کنرانی نے رکن قومی اسمبلی میر خان محمد خان جمالی، میر فائق علی خان جمالی اور میر اورنگزیب خان جمالی کے شکرگزار ہیں کہ انہوں نے علاقہ مکینوں کی مشکلات کو مدنظر رکھتے ہوئے ان کو سفری سہولیات فراہم کرنے کے لیے بلیک ٹاپ روڈ دیا جس سے علاقے کا دیرینہ مسئلہ حل ہوا۔