حالیہ مون سون بارشوں میں بجلی حادثات سے محفوظ رہنے کیلئے احتیاطی تدابیراختیار کی جائیں،کیسکو کی ہدایت

کوئٹہ(این این آئی) کوئٹہ الیکٹرک سپلائی کمپنی(کیسکو) نے ملک بھرمیں جاری حالیہ مون سون بارشوں کے پیش نظر تمام صارفین کو بجلی کے حادثات سے بچاؤ کیلئے حفاظتی تدابیر اختیار کرنے کی اپیل ہے۔کیسکونے تمام صارفین سے اپیل کی ہے کہ وہ اپنے پیاروں کی زندگی کو بجلی حادثات سے محفوظ بنانے کے لئے تمام ترتدابیر اختیار کریں۔خاص طور پر بارش کے وقت بجلی کے کھمبوں اور برقی تنصیبات کو چھونے سے اجتناب کریں نیزاس دوران صارفین اپنے بچوں کو بھی حفاظتی اقدامات کی تاکید کریں تاکہ کوئی جان لیوا حادثہ پیش نہ آئیں کیونکہ بجلی کسی کالحاظ نہیں کرتی لہٰذا غیر ضروری خوداعتمادی سے پرہیز کریں۔ اسی طرح گھروں کے اندر بجلی کے تمام برقی آلات کو باقاعدہ طور پر ارتھ کریں اور بجلی کی ناقص گھریلو وائرینگ کی طرف خصوصی توجہ دیکربجلی کی ننگی تاروں کو تبدیل یا مناسب اورمحفوظ طریقے سے ٹیپ کروائیں۔ کیسکونے تمام صارفین سے اپیل کی ہے کہ اس موسم میں بالخصوص گیلے ہاتھوں، گیلے کپڑوں یاجوتے گیلے ہونے کی صورت میں بجلی کے پنکھوں کے سوئچ تار اوردیگر برقی آلات کو ہر گزہاتھ مت لگائیں اوربجلی کے آلات کو بچوں کی رسائی سے بھی دوررکھیں کیونکہ آپ کی زراسی توجہ اوراحتیاط بہت سے حادثات سے بچاو ممکن ہے۔صارفین گھروں میں پانی کی موٹروں، کپڑے دھونے کی مشین/سلائی مشین اور پنکھے وقتاً فوقتاًماہر الیکٹریشن سے چیک کراتے رہیں تاکہ وہ شارٹ نہ ہوں۔ عام طورپر مشاہدہ ہے کہ بچے خاص طورپر ان برقی آلات کو پکڑنے اور چھونے کی کوشش کرتے ہیں جوکہ شارٹ سرکٹ اور جان لیوا حادثے کا باعث بنتے ہیں اور ذرا سی لا پر وائی کی وجہ سے قیمتی جان ضائع ہوجاتی ہے یا اس لا پر وائی کی وجہ سے کچھ لوگ مستقل معذور ہوجاتے ہیں جس کامداوا عمربھر نہیں ہوسکتا۔ لہذا کیسکو اپنے تمام صارفین سے اپیل کر تی ہے کہ وہ حالیہ مون سون بارشوں میں اپنے پیاروں کی قیمتی زندگی کو محفوظ بنانے کے لیئے ہمیشہ احتیاط سے کام لیں۔