ایم کیو ایم پاکستان اوستہ محمد کے ضلعی رہنما سونا خان جمالی کی وفات سے جماعت ایک سچے اور مخلص ساتھی سے محروم ہوگئی ہے، ملک عمران اللہ کاکڑ

کوئٹہ(این این آئی)متحدہ قومی موومنٹ پاکستان کے مرکزی رہنماء وصوبائی صدر ملک عمران اللہ کاکڑ، جنرل سیکرٹری سید سلیم اختر ایڈوکیٹ،سینئر نائب صدر میر شمس مینگل، میر امداد حسین مری، نائب صدر ملک طاہر سلیم شاہوانی، نوراللہ سمالانی، ڈاکٹر سعید احمد بوریوال، عبدالستار جمالی،انتظار حسین، حاجی نصیر احمد کھوسہ نے ایم کیو ایم اوستہ محمد کے ضلعی رہنماء سونا خان جمالی کی ناگہانی وفات پر گہرے رنج و غم کا اظہار کرتے ہوئے کہا ہے کہ ایم کیو ایم پاکستان سچے اور مخلص ساتھی ے محروم ہوگئی ہے۔ انہوں نے کہا کہ سونا خان جمالی ایک مخلص نظریاتی اور خوددار تحریکی اثاثہ تھے انہوں نے اپنی زندگی میں تحریکی اصولوں پر عمل پیرا ہو کر نہ صرف غریب و متوسط طبقے کیلئے جدوجہد کی بلکہ جاگیردارانہ نظام کے خلاف ہمیشہ مظلوم و محکوم طبقے کی آواز بنے ان کی ناگہانی رحلت سے نہ صرف ضلع اوستہ محمد ایک گرجدار حق کی آواز سے محروم ہوا بلکہ ایم کیو ایم بلوچستان میں ہمیشہ رہنے والا ایک خلاء چھوڑ کر چلا گیاہے۔ ایم کیو ایم پاکستان کا ایک ایک ذمہ دار و کارکن سونا خان جمالی کے انتقال پر غمزدہ اور سوگوار ہے۔ انہوں نے دعا کی کہ اللہ تعالیٰ سونا خان جمالی کی مغفرت اور سوگوار خاندان اور لواحقین کو صبر جمیل عطا فرمائے۔