صوبے میں شعبہ تعلیم کے مسائل کو حل کرنے اور محکمہ تعلیم کو مزید بہتر کرنے کیلئے صوبائی سطح پر تمام تر ممکنات کاوشیں بروکار لائی جا رہی ہیں،صوبائی وزیر تعلیم

کوئٹہ(این این آئی) صوبائی وزیر تعلیم راحیلہ حمید خان درانی نے کہا ہے کہ صوبے میں شعبہ تعلیم کے مسائل کو حل کرنے اور محکمہ تعلیم کو مزید بہتر کرنے کے لیے صوبائی سطح پر تمام تر ممکنات کاوشیں بروکار لائی جا رہی ہیں ان خیالات کا اظہار انہوں نے گورنمنٹ گلز ڈگری کالج میں شہید بے نظیر بھٹو ڈسٹرکٹ ٹاپر سکالرشپ سے متعلق منعقدہ تقریب سے خطاب کرتے ہوئے کیا اس موقع پر صوبائی سیکرٹری ہائیر ایجوکیشن اینڈ کالجز صالح محمد بلوچ اور دیگر بھی موجود تھے تقریب سے خطاب کرتے ہوئے صوبائی وزیر نے کہا شعبہ تعلیم کے ایمرجنسی ایشوز کو کنٹرول کیا اور مزید محکمہ کی بہتری کے لیے ہر ممکن اقدامات کریں گے انہوں نے اس تقریب میں شہید بے نظیر بھٹو ڈسٹرکٹ ٹاپر اسکالرشپ 180 طلباہ و طالبات میں تین تین لاکھ روپے کے چیک تقسیم کیے انہوں نے کہا کہ صوبے کے دور دراز علاقوں سے ائے ہوئے طلبہ و طالبات میں چیک تقسیم کرنے کا مقصد ان کے مسائل حل کرنا ہے انہوں نے کہا کہ بچے اپنی تعلیم پر خصوصی توجہ دیکھ کر ملک و صوبے کا نام روشن کریں اج دنیا میں جتنے بھی قوموں نے ترقی کی ہے سب تعلیم کی بدولت ہے انہوں نے کہا کہ تعلیم حاصل کر کے ہم اپنے صوبے کے استحکام میں کلیدی کردار ادا کر سکتے ہیں انہوں نے کہا کہ ہم نے شعبہ تعلیم میں بہت سے پروگرامز شروع کیے جن کی افادیت سے ہمارے بہت سے مسائل حل ہوں گے انہوں نے کہا کہ وزیراعظم نے صوبے میں دانش سکول دیے جن سے ہمیں بہت فائدہ ہوگا اور ہمارے تعلیمی مسائل حل ہوں گے تقریب کے اختتام پر صوبائی وزیر تعلیم راحیلہ حمید خان دورانی کو سیکرٹری ہائر ایجوکیشن اینڈ کالجز سالح محمد بلوچ نے شیلڈ پیش کی۔