کوئٹہ ڈوپلمنٹ اتھارٹی نے شہر کے معروف بیکن ہاؤس اسکول کی عمارت کو سیل کردیا

کوئٹہ(این این آئی)کوئٹہ ڈوپلمنٹ اتھارٹی نے شہر کے معروف بیکن ہاؤس اسکول کی عمارت کو سیل کردیا۔ تفصیلات کے مطابق کوئٹہ ڈوپلمنٹ اتھارٹی نے لیز کی توسیع کے تنازعہ پر کوئٹہ کے علاقے سمنگلی روڈ پر واقعہ بیکن ہاؤس اسکول کو سیل کردیاہے، اس حوالے سے کیو ڈی اے حکام نے بتایا کہ اسکول نے 2019کے بعد سے لیز توسیع کے چارجز ادا نہیں کیے جبکہ عدالت سے اسٹے آرڈر ختم ہونے کے بعد ادارے نے سکول کو سیل کیا ہے تاہم ڈائریکٹر جنرل کیو ڈی اے سے متعدد بار رابطہ کرنے کی کوشش کرنے پر ان سے رابطہ قائم نہ ہوسکا۔ دوسری جانب بیکن ہاؤس اسکول انتظامیہ نے والدین کو آگاہ کیا ہے کہ وہ کیو ڈی اے کے اقدام کے خلاف عدالتی چارہ جوئی کر رہے ہیں۔