اووشن گیٹ کی ٹائٹن آبدوز کی تباہی کی نئی ویڈیو جاری، آخری لمحوں کی آواز ریکارڈ

امریکی کوسٹ گارڈ نے 2023 میں اووشن گیٹ کی “ٹائٹن” آبدوز کی تباہی کے لمحے کی نئی ویڈیو جاری کی ہے، جس میں آخری رابطے سے پہلے ایک دھماکے کی آواز سنائی دیتی ہے — جو غالباً آبدوز کے سمندر کی گہرائی میں تباہ ہونے (implosion) کی تھی۔

یہ واقعہ 18 جون 2023 کو اس وقت پیش آیا جب ٹائٹن آبدوز بحیرہ اوقیانوس میں ٹائی ٹینک کے ملبے کی طرف سفر پر تھی اور 90 منٹ بعد اس کا زمین سے رابطہ منقطع ہو گیا۔

ویڈیو میں دیکھا جا سکتا ہے کہ اووشن گیٹ کی ڈائریکٹر اور سی ای او اسٹاکٹن رش کی بیوی وینڈی رش، مشن کو مانیٹر کر رہی تھیں۔ جب آبدوز 3,300 میٹر کی گہرائی میں پہنچی تو انہوں نے سوال کیا: “یہ دھماکے جیسی آواز کیا تھی؟”

چند لمحوں بعد پر آبدوز سے ایک پیغام موصول ہوا کہ اس نے “دو وزن گرا دیے ہیں”، جو ایک ہنگامی ابھارنے (emergency ascent) کی کوشش کی نشاندہی کرتا ہے۔

اس کے بعد رابطہ مکمل طور پر ختم ہو گیا۔ آبدوز کے آخری پیغامات میں شامل تھا: “Yes, lost system and chat settings” اور “all good here” – جو اس وقت بھیجے گئے جب وہ 2,200 میٹر گہرائی میں تھی۔

واقعے کے بعد ایک پانچ دن کی بین الاقوامی تلاش کی گئی، جس کا اختتام 22 جون 2023 کو اس اعلان پر ہوا کہ آبدوز کو “مہلک تباہی” کا سامنا ہوا۔

اووشن گیٹ نے بعد ازاں بیان دیا: “یہ تمام افراد اصل مہم جو تھے، جن کا جذبہ سمندر کے تحفظ کے لیے بے مثال تھا۔”

فرانسیسی ماہر نارگیولے نے 35 بار ٹائی ٹینک کے ملبے کی زیارت کی تھی، جبکہ ہارڈنگ خلا اور ماریانا ٹرنچ کا بھی سفر کر چکے تھے۔ رش کو امید تھی کہ وہ ایک “جدت پسند” کے طور پر یاد رکھے جائیں گے۔