کوئٹہ (این این آئی) آل پاکستان یونیورسٹیز ایمپلائز فیڈریشن صوبہ بلوچستان کے صدر شاہ علی بگٹی نے ایک وفد کے ہمراہ بلوچستان یونیورسٹی آف انجینئرنگ اینڈ ٹیکنالوجی خضدار کا دورہ کیا۔اس دوران انہوں نے وائس چانسلر بی یو ای ٹی خضدار پروفیسر ڈاکٹر سہراب بزنجو اور جامعہ کے رجسٹرار سید ڈاکٹر جلال شاہ سے ملاقات کی۔علاوہ ازیں بلوچستان یونیورسٹی ایمپلائز ایسوسی ایشن کے صدر شاہ علی بگٹی نے ایمپلائز ویلفیئر سوسائٹی کے صدر مہراللہ قمبرانی، جنرل سیکرٹری احمد جتک اور پریس سیکرٹری بشیر احمد رئیسانی سمیت دیگر عہدیداروں سے ملاقات کی۔اس دوران ملازمین کو درپیش مسائل سمیت مختلف امور پر گفتگو ہوئی۔ایمپلائز ویلفیئر سوسائٹی کے صدر کامریڈ مہراللہ قمبرانی نے شاہ علی بگٹی کو ملازمین کے مسائل سے آگاہ کیا۔اس موقع پر شاہ علی بگٹی نے ملازمین کے مسائل حل کرانے کیلئے ہر ممکن تعاون کی یقین دہانی کراتے ہوئے کہا کہ آل پاکستان یونیورسٹیز ایمپلائز فیڈریشن محنت کشوں کے حقوق کے تحفظ کیلئے کسی بھی قربانی سے دریغ نہیں کریں گے۔آل پاکستان یونیورسٹیز ایمپلائز فیڈریشن صوبہ بلوچستان کے صدر شاہ علی بگٹی نے وائس چانسلر بی یو ای ٹی خضدار پروفیسر ڈاکٹر سہراب بزنجو سے ملاقات میں یونیورسٹی ملازمین کے مسائل پر تفصیل سے گفتگو کی اس موقع پر وائس چانسلر نے انہیں یقین دلایا کہ ملازمین کے جائز مطالبات اور مسائل جلد حل کریں گے۔
شاہ علی بگٹی کا بلوچستان یونیورسٹی آف انجینئرنگ اینڈ ٹیکنالوجی خضدار کا دورہ،وائس چانسلرپروفیسر ڈاکٹر سہراب بزنجوسے ملاقات
