کے ایم سی افسران و ملازمین کو دو سال سے ادائیگی نہ ہونے پر جوائنٹ ایکشن کمیٹی سے توجہ دینے کا مطالبہ

کراچی ( این این آئی )کراچی آفیسرزیلفیئر ایسوسی ایشن کی سپریم کونسل کے جنرل سیکریٹری منظر وارثی نے کہا ہے کہ سید ذولفقار شاہ اور تمام ایسوسی ایشن کے ایم سی آفیسرز و آفیشلز جوائنٹ ایکشن کمیٹی صرف ٹی ایم سیز کے ملازمین کی پنشن اورریٹائرمنٹ کیسوں کو فوکس کرنے کے بجائے کے ایم سی کے افسران و ملازمین کو دو دو سال گزر جانے کے باوجود کسی بھی قسم کی ماروائے قانون ادائیگی نہ ہونے کو بھی فوکس کریں۔ کے ایم سی اور ٹی ایم سیز دونوں کے لئے آواز اٹھائیں۔کے ایم سی اور ٹی ایم سیز کے لئے سندھ گورنمنٹ خصوصی فنڈز جاری کرے۔ تاکہ پنشنرز کو زندگی گزارنا آسان ہو۔ انہیں سہولتیں ملنی چاہئیں۔ ناکہ انہیں Liabilityسمجھ کر نظرانداز کیا جائے۔ میئر کراچی سپریم کورٹ کے احکامات کے مطابق فوری ادائیگی کرائیں۔اداروں میں پسند نا پسند اور سیاسی وابستگی کی بنیاد پر ادائیگی کا عمل بند کرکے ہر ایک کو اسکا حق ملنا چاہئے۔ ہم سب کی آواز ہیں تو سب کو ہماری آواز بھی بننا چاہئے۔