سکھر(این این آئی)جانشین مفتی اعظم علامہ مولانا مفتی محمد ابراہیم قادری نے کہا ہے کہ عید میلاد النبیؐعیدوں کی عید اور رحمت و برکت کا ذریعہ ہے مسلمان اپنے محبوب کا میلاد منا کر اللہ تعالی کے احسان کا شکریہ ادا کرتے ہیں اور دنیا کو بتاتے ہیں کہ ہم اپنے پیارے نبی سے اتنی محبت کرتے ہیں کہ انکی ولادت کا دن عید کے طور پر مناتے ہیں ان خیالات کا اظہار انہوں نے گذشتہ روز نصرت کالونی نمبر ۱شمس آباد سکھر میں الائنس فار دی چینچ ویلفیئر کمیٹی سکھر کے زیر اہتمام جشن عید میلاد النبیؐ کے حوالے سے منعقد محفل سے خصوصی خطاب کے دوران کیا، تقریب میں مفتی محمد عارف سعید ی، مجاہد اہلسنت مشرف محمود قادری،مولانا محمد رضوان خان و دیگر علماء کرام سمیت عاشقان رسول نے شرکت کی، تقریب میں جشن عید میلاد النبی کے حوالے سے پرچم کشائی کی گئی پرچم کشائی کے موقع پر فضاء سرکار کی آمد مرحبا اور یارسول اللہ کے نعروں سے گونج اٹھی،تقریب میں معروف نعت خوان و ثناء خوانو ں نے حضور اکرم کی شان میں گلہائے عقیدت (ہدیہ نعت)پیش کیں، تقریب سے خطابات کے دوران نامور عالم دین جانشین مفتی اعظم پاکستان حضرت علامہ مولانا مفتی محمد ابراہیم قادری، مفتی محمد عارف سعیدی، تنظیما ت اہلنست کے چیئرمین و مجاہد اہلسنت مشرف محمود قادری و دیگر علماء کرام کا کہنا تھا کہ الائنس فار دی چینچ ویلفیئر کمیٹی سکھر کے کی جشن عید میلاد النبیؐ کے حوالے سے منعقد تقریبات اس بات کی دلیل ہے کہ نوجوان نسل اپنے محبوب آقائے دو جہاں سے بے پناہ محبت کرتے ہیں، الائنس فار دی چینچ ویلفیئر کمیٹی سکھر کی خدمات کو قدر نگاہ سے دیکھتے ہیں، علماء کرام کا مزید کہنا تھا کہ آقائے دو جہاں حضور اکرم کی آمد سے دنیا سے جہالت کے اندھرے ختم ہوئے اور روشن صبح کا آغاز ہوا اور کفر میں ڈوبی دنیا کو ایک سہارا ملا، اللہ تعالی نے اپنے محبوب کو دنیا میں بھیج کر مسلمانوں کو یہ انعام عطا فرمایاکے آج ہر مسلمان مومن اپنے شہر اور گلیاں سجاکر اللہ تعالی کے اس عطاء کردہ عظیم احسان کا شکریہ ادا کریں،تقریب میٰں ملکی سلامتی، خوشحالی و استحکام سمیت دین اسلام کی سربلندی کیلئے خصوصی دعاکی گئی۔
عید میلاد النبیؐعیدوں کی عید اور رحمت و برکت کا ذریعہ ہے،مفتی ابراہیم قادری
