عوام کو صحت کی بنیادی سہولتیں فراہم کرنا اولین ترجیح ہے،ایم ایس سول ہسپتال نصیرآباد ڈاکٹر حبیب پندرانی

چھتر (این این آئی) میڈیکل سپرنٹینڈنٹ سول ہسپتال نصیرآباد ڈاکٹر حبیب پندرانی کی زیر نگرانی محکمہ صحت کی کارکردگی بہتر سے بہتر بنانے کا سلسلہ جاری ہے۔ عوامی حلقوں اور سماجی شخصیات نے ان کی انتھک محنت اور ذمہ دارانہ رویے کو سراہتے ہوئے کہا ہے کہ ڈاکٹر حبیب پندرانی نے مختصر مدت میں سول ہسپتال نصیرآباد میں نمایاں اصلاحات کیں میڈیکل سپرنٹینڈنٹ کی خصوصی دلچسپی سے ہسپتال میں مریضوں کو بہتر طبی سہولیات کی فراہمی یقینی بنائی جا رہی ہے، ایمرجنسی وارڈ میں ادویات، لیبارٹری سہولیات اور علاج معالجے کے نظام کو فعال کیا گیا ہے جبکہ غریب اور نادار مریضوں کے لیے مفت علاج کے اقدامات بھی قابلِ تعریف ہیں ڈاکٹر حبیب پندرانی کا کہنا ہے کہ عوام کو صحت کی بنیادی سہولتیں فراہم کرنا ان کی اولین ترجیح ہے، اور محدود وسائل کے باوجود ہسپتال کو فعال اور معیاری ادارہ بنانے کی کوششیں جاری رہیں گی۔ انہوں نے طبی عملے پر زور دیا کہ وہ مریضوں کے ساتھ خوش اخلاقی اور خدمت کے جذبے سے پیش آئیں تاکہ عوام کا اعتماد مزید بڑھ سکے عوامی، سماجی اور صحافتی حلقوں نے صوبائی حکومت سے مطالبہ کیا ہے کہ سول ہسپتال نصیرآباد کو درپیش مسائل اور وسائل کی کمی کو دور کیا جائے تاکہ ڈاکٹر حبیب پندرانی کی قیادت میں یہ ادارہ مزید بہتر کارکردگی دکھا سکے۔