لسبیلہ: نمی چیک پوسٹ پر کرپشن اور اسمگلنگ عروج پر، عوام کا نوٹس کا مطالبہ

لسبیلہ(رپورٹ بیوروچیف حفیظ دانش) نمی چیک پوسٹ میں کرپشن اور غیر قانونی سرگرمیوں نے خطرناک حد اختیار کرلی ہے، ذرائع کے مطابق چیک پوسٹ پر سرعام بھتہ وصولی، غیر ملکی شراب، چھالیہ، اور دیگر اسمگل شدہ اشیاء کی نقل و حمل جاری ہے۔ پیٹرول اور ڈیزل سے بھری گاڑیوں، ٹرکوں، اور موٹر سائیکل سواروں سے بھی مبینہ طور پر ہزاروں روپے نذرانے لیے جا رہے ہیں۔عوامی حلقوں نے انکشاف کیا ہے کہ موجودہ انچارج صرف چند سالوں سال کے اندر کروڑوں روپے کی کمائی کی اور مبینہ طور پر قیمتی جائیدادیں بھی بنالی ہیں۔ اس صورتحال نے نہ صرف قانون کی عملداری پر سوالات اٹھا دیے ہیں بلکہ ریاستی اداروں کی خاموشی کو بھی مشکوک بنا دیا ہے۔عوامی، حلقوں سماجی نے آئی جی بلوچستان، ڈی آئی جی قلات رینج اور دیگر اعلیٰ حکام سے پرزور مطالبہ کیا ہے کہ اس معاملے کا فوری نوٹس لیا جائے، مکمل اور شفاف تحقیقات کی جائیں، اور اگر الزامات درست ثابت ہوں تو ملوث افسران کے خلاف سخت کارروائی کی جائے تاکہ عوام کا پولیس پر اعتماد بحال ہو۔