سیکرٹری پرائس کنٹرول ڈاکٹر احسان بھٹہ کی زیر صدارت سہولت بازار اتھارٹی بارے اجلاس

لاہور (این این آئی) معیاری اشیا،سستے دام، وزیر اعلی پنجاب کا بہترین اقدام۔سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ کی زیر صدارت سہولت بازار اتھارٹی بارے اجلاس ہوا،ڈائریکٹر کنزیومر پروٹیکشن کونسل عمران قریشی اور سہولت بازار اتھارٹی کے افسران نے تفصیلی بریفنگ دی،25اضلاع میں 36بازار آپریشنل اور 13نئے سہولت بازاروں کی تعمیر جاری ہے،سہولت آن دی گو بازار پائلٹ پروجیکٹ لاہور میں 15جگہوں پر قائم ہوں گے، ڈائریکٹر کنزیومر پروٹیکشن کونسل نے عوامی شکایات تدارک کے جدید ماڈل بارے آگاہ کیا، اس موقع پر سیکرٹری پرائس کنٹرول اینڈ کماڈیٹیز مینجمنٹ ڈاکٹر احسان بھٹہ نے کہا کہ شہریوں کو معیاری اشیا کی سستے داموں فراہمی اولین ترجیح ہے، صارفین کے حقوق کا تحفظ اور بآسانی شکایات کا اندراج یقینی بنانے کی ہدایت کی، آن لائن کاروبار میں جعلسازی اور دھوکہ دہی کیخلاف شکایات کا موثر پورٹل وقت کی ضرورت ہے۔