سرگودھا، تمام خواتین کالجز اور طالبات سکولز کے باہر چھٹی کے اوقات کار میں پولیس اہلکاروں کی ڈیوٹی لگادی گئی

سرگودھا(این این آئی)سرکاری اور نجی کالجوں کے طلبہ کی حفاظت یقینی کو بنانے کیلئے تمام خواتین کالجز اور طالبات سکولز کے باہر چھٹی کے اوقات کار میں پولیس اہلکاروں کی ڈیوٹی لگادی گئی۔زرائع کے مطابق سرگودھا ریجن کے علاقہ واں بھچراں میں سرکاری اور نجی تعلیمی اداروں میں طالبات کی حفاظت کو یقینی بنانے کے لئے طالبات کالجز و سکولز پر چھٹی کے اوقات کار میں پولیس کی ڈیوٹی لگا دی گئی ہے۔اس حوالہ سے ایس ایچ او تھانہ عمران خان کا کہنا ہے کہ آوارہ اور اوباش نوجوانوں کی طرف سے ہماری بہنوں، بیٹیوں اور بچوں کو تنگ کرنے کی کوئی شکایت سامنے آئی تو ایسے اوباش اور آوارہ نوجوانوں کیخلاف سخت قانونی کارروائی عمل میں لائی جائے گی۔ انہوں نے کہا کہ طلبا و طالبات کا تحفظ میری اولین ترجیحات میں شامل ہے اور اس کے لئے ہر ممکن اقدامات کئے جائیں گے۔