ون ڈے سیریز کے سلسلے میں پاکستان اور ساؤتھ افریقہ کی ٹیمیں فیصل آباد پہنچ گئیں

فیصل آباد (این این آئی)ون ڈے سیریز کے سلسلے میں پاکستان اور ساؤتھ افریقہ کی ٹیمیں فیصل آباد پہنچ گئیں۔ساؤتھ آفریقہ کی ٹیم (آج)پیر کی سہہ پہر 2 بجے سے 5 بجے تک،پاکستان ٹیم شام 6 بجے پریکٹس کریں گی۔فیصل آباد پہنچنے پر دونوں ٹیموں کا پرتپاک استقبال کیا گیا اور پھول نچھاور کیے گئے۔دونوں ٹیموں کے درمیان ون ڈے سیریز کا آغاز 4 نومبر سے ہوگا جبکہ دیگر دو میچز 6 اور 8 نومبر کو کھیلے جائیں گے۔یاد رہے کہ دو ٹیسٹ میچز پر مشتمل سیریز 1-1 سے برابر رہی تھی جبکہ تین میچز کی ٹی ٹوئنٹی سیریز میں پاکستان نے 1-2 سے فتح حاصل کی۔