صدر مملکت نے 27 ویں آئینی ترمیم پر دستخط کردیئے

اسلام آباد (این این آئی)صدر مملکت آصف علی زرداری نے 27 ویں آئینی ترمیم پر دستخط کردیے، صدر پاکستان کے دستخط سے27ویں ترمیم آئین کا حصہ بن گئی، صدر مملکت نے وزیراعظم کی ایڈوائس پر 27 ویں آئینی ترمیم پر دستخط کیے۔قبل ازیں 27ویں آئینی ترمیم سینٹ سے منظور کی گئی جس کے بعد چند اضافی ترامیم کے ساتھ قومی اسمبلی سے 27ویں آئینی ترمیم منظور کی گئی اور قومی اسمبلی نے اضافی ترامیم پھر سینٹ کو بھیج دیں جس کی سینٹ نے بھی منظوری دیدی۔ سینٹ اور قومی اسمبلی سے منظوری کے بعد صدر مملکت نے دستخط کر دیئے ہیں۔